Bernar Fasie Bakıdadır
15 may 2009 12:45 (UTC +04:00)

Bernar Fasie Bakıdadır

ATƏT-in Minsk Qrupunun Fransadan olan həmsədri Bernar Fasie Bakıya gəlib.

APA-nın xəbərinə görə, fransalı diplomat Heydər Əliyev Beynəlxalq Hava Limanında jurnalistlərə açıqlamasında Bakıya Tiflisdən gəldiyini, ondan əvvəl isə İrəvanda olduğunu deyib.

B. Fasie İrəvanda Ermənistan prezidenti Serj Sərkisyan və xarici işlər naziri Edvard Nalbandyanla görüşdüyünü bildirib: “Aparılan danışıqların detallarını açıqlaya bilmirəm. Amma proses ciddi şəkildə davam edir”.

Azərbaycan prezidenti İlham Əliyevlə görüşəcəyini bildirən B. Fasie daha ətraflı həmin görüşdən sonra məlumat verəcəyini söyləyib. Fransalı həmsədr sabah Bakıdan gedəcəyini desə də, buradan hara yola düşəcəyinin hələ dəqiq bəlli olmadığını qeyd edib: “Ya Parisə, ya da Ankaraya gedəcəyəm. Ola bilsin ki, Ankaraya gedib, orada məsləhətləşmələr aparım”.

“İyunda Sankt-Peterburqda keçiriləcək sammitdə Azərbaycan və Ermənistan prezidentlərinin görüşü ola bilərmi” sualına cavabında B. Fasie bunun ölkə başçılarından asılı olduğunu deyib.
# 304

Oxşar yazılar