Sağlamlığı gizli məhv edən PİS VƏRDİŞLƏR

Amerikalı həkimlər Frenk Hu, Hiçam Skali və Çika Anekve sağlamlığı hiss olunmadan məhv edən və xarici görünüşü pisləşdirən aldadıcı zərərsiz vərdişləri sadalayıblar.

Lent.az-ın xarici mediaya istinadla məlumatına görə, qidalanma üzrə mütəxəssis Frenk Hu yeməkdə şəkərin miqdarına ciddi nəzarət etməyi tövsiyə edib. Çünki ondan sui-istifadə nəinki piylənmə və diabetə gətirib çıxarır, həm də ürək-damar xəstəliklərinin inkişaf riskini artırır. Onun sözlərinə görə, çoxsaylı araşdırmalar sübut edib ki, artıq şəkər insult və infarkt riskinin artması ilə birbaşa əlaqəlidir.

Sağlamlığı hiss olunmadan məhv edən başqa bir pis vərdiş oturaq həyat tərzidir. Kardioloq Hiçam Skali əmin edir ki, gün ərzində hərəkətin olmaması, hətta müntəzəm idman məşqləri ilə belə diabet və ürək xəstəliklərinin inkişafına səbəb ola bilər.

“Nə qədər çox otursanız, əzələləriniz bədənin əsas enerji mənbəyi olan qlükozadan bir o qədər az istifadə edir. Davamlı oturmaq insulinin böyük sərbəst buraxılmasına səbəb olur, bu da qan şəkərinin səviyyəsinin artmasına səbəb olur”, - o, vurğulayıb.

Visseral qarın yağına inadkar etinasızlıq da sağlamlığı məhv edir.

Həkim Çika Anekve bildirib ki, son araşdırmalar qarın piylənməsinin diabet, hipertoniya, astma, demans (müxtəlif xəstəliklərə bağlı olaraq beyin funksiyalarının itkisi nəticəsində, yaddaş, düşüncə, danışma, qiymətləndirmə və davranışlardakı pozuqluqla seyr xəstəlikdir-red.) və bəzi xərçəng növləri ilə əlaqəli olduğunu göstərir, çünki qarın, qaraciyər və digər daxili orqanların ətrafındakı yağlar iltihaba kömək edir və maddələr mübadiləsini pozur.