Gündə nə qədər kvas içmək olar?

Mütəxəssislər mağazadan alınmış və ya evdə hazırlanmış kvasın orqanizmə təsirlərini açıqlayıblar.

Lent.az xarici mətbuata istinadən xəbər verir ki, kvasın faydalı xüsusiyyətlərinə baxmayaraq, əks göstərişləri var.

Kvas, susuzluğu mükəmməl şəkildə yatırır. Lakin həddindən artıq kvas içmək ürək-damar sisteminə mənfi təsir göstərir.

Bundan əlavə, kvas maya istifadə edərək hazırlandığından içkinin mədə-bağırsaq traktına təsirini nəzərə almaq lazımdır. Tərkibində maya olan məhsullardan çox istifadə etsəniz, mədə-bağırsaq traktında problemlər və allergiya yarana bilər.

Bundan əlavə, kvas az alkoqollu içki hesab olunur, gücü 0,7% -dən 2,6% -ə qədər ola bilər. Buna görə hamilə və laktasiya edən qadınlar, həmçinin qaraciyər xəstəlikləri, xoralar və qastrit xəstələri içki ilə diqqətli olmalıdırlar.

Turş kvas mədə turşuluğu yüksək olan xəstələr üçün xüsusilə təhlükəlidir.

Həkimlər sağlam insanlara gündə 300 ml-dən və ya həftədə 2 dəfədən çox kvas içməməyi tövsiyə edirlər.