Dünyanın ən kök uşağı 114 kilo ARIQLADI

İndoneziyadan olan bodibuildinq üzrə üçqat dünya çempionu Aid Rai dünyanın ən kök uşağını 114 kilo arıqladıb.

Lent.az xarici KİV-ə istinadən xəbər verir ki, o, kök oğlanla necə işlədiyini və onu 114 kilo arıqlamağa kömək etdiyini izah edib.

İdmançı Aria Perman haqqında ilk dəfə 2017-ci ildə xəbərlərdən öyrəndiyini bildirib. Daha sonra 200 kiloqram ağırlığında olan 11 yaşlı uşaq xəstəxanaya aparılıb və mədəsinin həcmini azaltmaq üçün əməliyyat olunub.

Perman gündə təxminən yeddi min kalori istehlak edərək, zərərli yemək yeyirdi. O, kökəldiyi üçün vanna otağına sığmırdı. Bunun üçün də evin yaxınlığındakı hovuzda yuyunmağa məcbur olurdu. Mağazalarda uyğun paltar olmadığından oğlan daim dəsmala bürünürdü.

Bodibuildinq oğlana kömək etmək qərarına gəlib və valideynləri ilə əlaqə saxlayıb. Onun şəxsi məşqçisi olmağı razılaşdıran Rai Permananın vərdişlərini dəyişməyə başlayıb. O, valideynlərinə oğlana video oyunlar oynayan zaman yemək və içməyə icazə verməməyi tövsiyə edib.

Bundan əlavə, arıqlamaq üçün ona oturarkən və ya uzanaraq oynamaq qadağan edilib. Alınan hazır yeməklər onun pəhrizindən çıxarılıb və evdə hazırlanmış yeməklər əlavə edilib.

Məşqçinin əldə etmək istədiyi əsas şey oğlanın daha çox hərəkət etməsi idi. Bunun üçün ona badminton raketi, futbol və basketbol topları, bir cüt dumbbell alıb. Perman mütəmadi olaraq Rainin işlədiyi idman zalına getməyə başladı, burada məşqləri yerinə yetirməyi öyrəndi və sonra onları evdə təkrarladı.

Məşqçi yeniyetməni həvəsləndirmək üçün ona Sony oyun konsolu və sevimli Liverpool futbol klubunun köynəyi hədiyyə edib.

Cəmi üç il ərzində Perman 114 kiloqram arıqlamağı bacarıb. Rai bu günə qədər oğlan və ailəsi ilə əlaqə saxlayır, ona sağlam həyat tərzi sürməsinə kömək edir. Məşqçi ümid edir ki, yeniyetmə daha həvəslənəcək və əldə etdiyi uğurdan yeni məqsədlərə çatmaq üçün başlanğıc nöqtəsi kimi istifadə edəcək.