Bu reseptlə nə xəmir yoğurmağa, nə də saatlarla gözləməyə ehtiyac yoxdur. Sadəcə hazır lavaş, bir az pendir və sevdiyin ərzaqlarla ev şəraitində dadlı və sürətli pizza hazırlaya bilərsən. Tələsik günlər üçün əla seçimdir.
Lent.az bu asan resepti təqdim edir:
Xəmir üçün (əgər hazır lavaşdan istifadə etmirsənsə)
2 stəkan un
1 çay qaşığı quru maya
1/2 çay qaşığı duz
3/4 stəkan ilıq su
1 xörək qaşığı duru yağ (zeytun yağı olsa daha yaxşı)
Sous üçün
2 xörək qaşığı ketçup və ya pomidor pastası
1 çimdik duz
1/2 çay qaşığı oregano və ya quru reyhan (isteğe bağlı)
1 diş sarımsaq (əzilmiş) – isteğe bağlı
Üzəri üçün (zövqə görə)
Rəndələnmiş pendir (mozzarella və ya istənilən əridilən pendir)
Kolbasa, sosiska, göbələk, bibər, zeytun, qarğıdalı və s.
Hazırlanması
Xəmir variantı 1: (Hazır lavaşla – daha sürətli)
Lavaşı soba sinisinə qoyun.
Üzərinə sousu bərabər yayın.
Üzərinə istədiyin ərzaqları düzün.
Ən sonda bol pendir səpin.
Əvvəlcədən isidilmiş 180°C sobada təxminən 10-12 dəqiqə bişir. Pendir əridikdə və qızardıqda hazırdır!
Xəmir variantı 2 - (Sadə xəmirlə)
Maya, su və şəkəri qarışdırıb 5 dəqiqə gözlə. Un, duz və yağı əlavə edib yumşaq xəmir yoğurun. Üzərini örtüb 30-40 dəqiqə mayalandırın. Xəmiri yay və siniyə yerləşdirin. Üzərinə sous, ərzaqlar və pendir əlavə edin. 180°C sobada 15-20 dəqiqə bişirin.
Tövsiyə
Daha xırtıldayan pizza üçün qabı əvvəlcədən isidə bilərsiniz.
Nuş olsun!
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
