Məşhur yazıçı öldürüldü

Məşhur alman yazıçısı Aleksandra Frelix Hamburqda ölü tapılıb.

Lent.az-ın xarici mətbuata istinadla xəbərinə görə, onun cəsədini oğlu Elba çayının sahilində öz üzən evində tapıb.

Yerli hüquq-mühafizə orqanları bildiriblər ki, müstəntiqlər sübutların hərtərəfli təhlilindən sonra Frelixin ölümünün zorakılıq nəticəsində olduğunu müəyyən ediblər. Qətl üzrə xüsusi təyinatlı qrup araşdırma aparır. İlkin məlumatlara görə, yazıçı gecə yarısı ilə səhər saat 5:30 arasında dünyasını dəyişib. Polis onun evində şübhəli hərəkətlər görmüş ola biləcək şahidlərə müraciət edir, lakin hələlik konkret şübhəli yoxdur.

Onun haqqında nə məlumdur

Aleksandra Frelix jurnalist kimi karyerasına Ukraynada başlayıb, burada qadın jurnalını təsis edib və frilanser olub. 2012-ci ildə o, bestsellerə çevrilən "Mənim rus qayınanam və digər fəlakətlər" adlı debüt romanını buraxıb. Əsər Şərq və Qərb münasibətlərinə satirik baxışı ilə tanınıb. Frelix o vaxtdan bəri "Ölümdür" və "Şkafdakı skeletlər" kimi daha bir neçə uğurlu kitab nəşr etdirib.