Bir çox pişik sahibləri müşahidə ediblər ki, onların sevimli ev heyvanları sahibinin evə gəlməsinə az qalmış qapıya tərəf gedir.
Lent.az-ın xarici mətbuata istinadla xəbərinə görə, bu davranışın mistika ilə heç bir əlaqəsi yoxdur səbəb pişiklərin təbii instinktində və ətraf mühiti çox kəskin hiss etmələrindədir.
Elmi araşdırmalar təsdiqləyir ki, pişiklər yüksək inkişaf etmiş idrak qabiliyyətinə malikdir və müəyyən hadisələri qabaqcadan təxmin edə bilirlər.
Bioloji saat və vərdişlər
Pişiklərin daxili bioloji saatı var və bu onlara zamanı hiss etməyə kömək edir. Onlar gün ritmini yaxşı anlayır, gündəlik qaydanı yadda saxlayır və sahibinin nə vaxt qayıdacağını təxmin edə bilirlər. Tez-tez pişiklər sahibinin gəlişini küçə işıqlarının yanması, havanın qaralması və ya qidalanma vaxtı ilə əlaqələndirirlər. Bu səbəbdən pişik müəyyən zaman intervalına uyğunlaşır və gözləmə uzandıqda narahat ola bilər.
Qoxu "öncədən bilmə" hissinin xidmətində
Pişiklərin qoxubilmə qabiliyyəti çox güclüdür. Hərçənd bu qabiliyyət itlər qədər güclü olmasa da, insanı xeyli üstələyir. Onların təxminən 80 milyon qoxu reseptoru var və bu sayədə açıq pəncərə şəraitində sahibinin unik fərdi qoxusunu 30 metr məsafədən belə hiss edə bilirlər. Məhz bu qoxu pişiyə sahibinin yaxınlaşmasını vizual kontakt olmadan belə anlamağa imkan verir.
Güclü eşitmə
Pişiklərin eşitmə qabiliyyəti çox kəskindir. Onlar cüzi səsləri belə eşidə bilirlər — məsələn, açar zınqıltısını, avtomobil mühərrikinin səsini və ya sahibinin binaya daxil olarkən atdığı addımları. Eşitmə, qoxu və bioloji saat birlikdə pişikləri heyrətamiz “proqnozçulara” çevirir.
Yaddaş və bağlılıq
Pişiklərin yaddaşı çox güclüdür, onlar gündəlik hadisələrin ardıcıllığını yadda saxlayırlar. Sahibi nə vaxt gözləməli olduqlarını bilirlər və o gecikəndə stress keçirə bilərlər. Sahibin evə gəlişi gərginliyi azaldır, buna görə də onlar tez-tez qapıda qarşılayırlar.
Beləliklə, pişiklərdə “zaman hissi” magiya deyil, onların bioloji saatının, güclü eşitmə və qoxu qabiliyyətinin, eləcə də sahibə olan bağlılığın nəticəsidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
