Lent.az dostluq haqqında müdriklərin aforizmlərini təqdim edir. Sizcə onların içərisində 20 ən yaxşısı hansıdır?
İnsan öz dostunun dinindədir. Belə isə hər biriniz kiminlə dostluq etməyinizin fərqində olun. – Həzrəti Muhəmməd (sallallahu aleyhi və alihi vasallam)
Dostlar müxtəlif bədənlərdə bir ruhdurlar. – Həzrəti Əli əleyhissalam (birinci imam)
Dostluq iki ruhun evlənməsidir; bu izdivacda boşanma, yaxud ayrılığı dilə gətirmək belə günahdır. – Mari Fransua Arue Volter (fransız filosofu və yazıçısı)
Dostluq, mehribanlıq göstərsən, ey yar,Galib qulun olar azad adamlar.
– Nizami Gəncəvi (Azərbaycan şairi və mütəfəkkiri)
Dostunun sağ ayağı axsayırsa, sən sol ayağınla axsa ki, dostluğunuz daim müvazinətdə olsun. – Jül Renar (fransız yazıçısı)
Dostların xətası yadların doğrusundan yaxşıdır. – Cəlaləddin Rumi (türk şairi və mütəfəkkiri)
Dost rahatlıq verən bir məlhəmdir. – Nizami Gəncəvi (Azərbaycan şairi və mütəfəkkiri)
Həqiqi dostluq mənəvi fədakarlıqdır. – Teymur Əhmədov (Azərbaycan filoloqu)
Dostluğun qolları bir-birimizi dünyanın bir ucundan o biri ucuna kimi qucaqlaya biləcək qədər uzundur. – Mişel de Monten (fransız filosofu və yazıçısı)
Yaxşı dost gözəl ətir satan kimidir: sənə ətir vurmasa da, yanında olduğun muddətdə gözəl ətrindən faydalanarsan.
Düşmən qazanmaq istəyirsənsə, özünü dostlardan yüksək tut, dost qazanmaq istəyirsənsə, onları özündən yüksək tut. – Aristotel (qədim yunan filosofu)
Dostların dar gündə tanındığını deyirlər, zənnimcə, onlar insanın xoş anlarında da tanınırlar. – Çingiz Aytmatov (qazax yazıçısı)
Bədənin səfası dərman, ruhun səfası dostdur. – Avreli Avqustin (Qədim Roma filosofu)
Dost bildiyin bir çoxları, əslində, heç dost deyil və əksinə, dost bilmədiyin bir sıra adamlar, əslində, sənin dostundur. – Demokrit (qədim yunan filosofu)
Müsibətlərin yaxşı tərəfi varsa, o da bizə həqiqi dostlarımızın kim olduğunu göstərməsidir. – Onore de Balzak (fransız yazıçısı)
Dost elə bir insandır ki, sizin haqqınızda hər şeyi bilir, bununla belə, sizi sevir. – Mark Avreli (Qədim Roma imperatoru va filosofu)
Zaman dostluğun məhək daşıdır. – Teymur Əhmədov (Azərbaycan filoloqu)
Özünə vurğunluq dostluq üçün zəhərdir. – Onore de Balzak (fransız yazıçısı)
Dostluq insan sevincini ikiqat artırır, dərdini yarıbayarı azaldır. – Frensis Bekon (ingilis alimi və humanisti)
Ana öz uşağının üstündə necə əsirsə, biz də öz dostlarımız üçün o cür əsməliyik. – Siddhartha Qautama Budda (buddizmin banisi)
Əsl dost sağlamlıq kimidir: dəyəri itirildikdən sonra bilinər. – Migel de Servantes (ispan yazıçısı)
Bir göyərçin qarğalarla yaxınlıq edərsə, tükləri deyil, ürəyi qaralar. – Alman atalar sözü
Həqiqi dostu olmayanın yaşaması da mənasızdır. – Demokrit (qədim yunan filosofu)
Evin qiyməti ora gələn dostlardan bilinər. -Ralf Emerson (Amerika şairi və filosofu)
Cahil va nadan dostdan ağıllı düşmən yaxşıdır. – Əmir Teymur (Orta Asiya dövlət xadimi, sərkərdə, əmir)
Çətin məsələlər dostlar arasında bölüşdürülsə, həlli asan olar. – Vilson Follet (Amerika yazıçısı)
Biz bir ruhuq iki bədəndə. – Məhəmməd Füzuli (şairi və mütəfəkkiri)
Qardaş dost olmaya bilər, amma dost həmişə qardaş olmalıdır. – Bencamin Franklin (Amerika ictimai-siyasi xadimi)
Yalnız dostun əli ürəkdən neştərləri çıxara bilər. – Klod Adrian Helvetsi (fransız filosofu)
Pis adamla dostluq kölgəyə, yaxşı adamla dostluq günəşə oxşayır. – Corc Herbert (ingilis şairi)
Əsl dost sənin səhvlərinə göz yumar, sirlərini qoruyar və lazım gəlsə, sənə nəsihət verər. – İbn Sina (Şərq filosofu va həkimi)
Həqiqi dostu olanın güzgüyə baxmağa ehtiyacı qalmaz. – Karl İmmerman (alman şairi)
Dostluq – üzvlərini özümüz seçdiyimiz bir ailədir. – İmmanuil Kant (alman filosofu)
Dostunla necə rəftar etsən, elə də rəftar görəcəksən. – Tomas Karleyl (ingilis tarixçisi)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
