Qazax Dövlət Dram Teatrında 4 tamaşa səhnələşdiriləcək
11 yanvar 2010 20:00 (UTC +04:00)

Qazax Dövlət Dram Teatrında 4 tamaşa səhnələşdiriləcək

Tamaşalardan biri Qarabağ mövzusunu əhatə edir

Qazax Dövlət Dram Teatrının kollektivi tamaşaçılarını 4 yeni səhnə əsəri ilə sevindirmək istəyir. Teatrda ardıcıl olaraq Əhməd Oruclunun “Sonuncu seriya” komediya əsəri, Maqsud İbrahimbəyovun “Kərgədan buynuzu” əsəri, Haşım bəy Vəzirovun “Döymə qapımı, döyərəm qapını” əsəri və Hüseynbala Mirələmovun Qarabağ müharibəsindən bəhs edən “Xəcalət” əsəri səhnələşdiriləcək.

Dövlət sifarişi ilə hazırlanacaq “Kərgədan buynuzu” tamaşaçısının ictimai baxışına Mədəniyyət və Turizm Nazirliyindən də nümayəndələr gələcəklər. Hazırda kollektiv Sadiq İsgəndərovun quruluşçu rejissoru olduğu “Sonuncu seriya” tamaşası ilə bağlı məşqlərə başlayıb. Bu barədə Lent.az-ın Gəncəbasar müxbirinə Qazax Dövlət Dram Teatrının direktoru Saqif İsgəndərov məlumat verib. Onun sözlərinə görə, tamaşa gələn ay tamaşaçıların ixtiyarına veriləcək.

Vüsalə Cənnətova
# 416

Oxşar yazılar