Son olaraq "Sandıq Kokusu" serialında rol alan aktrisa Nesrin Cavadzadə, bu dəfə sosial şəbəkədə etdiyi paylaşım ilə gündəmə gəlib.
Lent.az xarici KİV-ə istinadən xəbər verir ki, açıq kürəkli fotolarını izləyiciləri ilə bölüşən aktrisanın paylaşımına "Azeri görl" (yəni “azəri qız”) qeydi əlavə etməsi diqqət çəkib. Lakin bu ifadə Azərbaycanlı izləyicilər tərəfindən tənqidlə qarşılanıb.
Türkiyədə uğurlu karyerası ilə tanınan Cavadzadə, bu paylaşımı ilə sosial mediada müzakirə mövzusuna çevrilib. Paylaşımda istifadə etdiyi "Azeri görl" ifadəsi azərbaycanlı istifadəçilərin narazılığına səbəb olub. Bir çox izləyici bu sözün yanlış və kiçildici bir ifadə olduğunu bildirib. Onların fikrincə, “azəri” termini doğru etnik kimliyi əks etdirmir.
İzləyicilərdən gələn bəzi rəylər belə olub:
“Biz azəri yox, Azərbaycan türküyük”
“Özünü təqdim etmə tərzinə diqqət et”
“Azəri sözü rusların bizə taxdığı addır”
Nesrin Cavadzadənin paylaşımı etnik və kimlik məsələlərinə həssas yanaşan azərbaycanlı izləyicilər tərəfindən tənqidlə qarşılanıb və bu mövzu sosial şəbəkələrdə müzakirəyə səbəb olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
