Hollivud aktyoru Leonardo Di Kaprio, “Titanik”, “Aviator”, “Dirilmiş” və bir çox digər filmləri ilə tanınan ulduz, aktyor karyerasının əvvəlində agentlərin ondan adını dəyişməsini istədiyini açıqlayıb.
Lent.az xarici mediaya istinadla bildirir ki, Di Kaprio ona təxəllüs götürməyi təklif etdiklərini etiraf edib. Aktyorun sözlərinə görə, agentlər onun adını “çox etnik” hesab ediblər və başqa variant irəli sürüblər.
“Axır ki, mənim agentim oldu. Onlar dedilər: "Sənin adın çox etnikdir". Mən soruşdum: "Nəyi nəzərdə tutursunuz? Axı bu, Leonardo Di Kapriodur". Onlar dedilər: "Xeyr, çox etnikdir. Səni heç vaxt işə götürməyəcəklər. Sənin yeni adın – Lenni Uilyamsdır”, – aktyor xatırlayıb.
O vaxt Leonardo hələ yeniyetmə idi və təxəllüsün nə demək olduğunu anlamağa çalışırdı. "12-13 yaşım vardı. Mən soruşdum: "Lenni Uilyams kimdir?" Onlar cavab verdilər: "Biz sənin ikinci adını götürüb düzəltdik. İndi sən Lenni olacaqsan", – “Titanik” ulduzu əlavə edib.
Di Kaprio bildirib ki, atasına yeni adla yazılmış afişanı göstərib. Lakin atası bu addan qəzəblənib və kağızı cırıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
