“20th Century Studios”, “TSG Entertainment və Lightstorm Entertainment” studiyaları “Avatar: Od və Kül” filminin ikinci rəsmi treylerini təqdim ediblər.
Lent.az xarici mediaya istinadla xəbər verir ki, rejissor Ceyms Kemeron (“Avatar”, “Titanik”, “Terminator”) tamaşaçıları yenidən Pandoraya apararaq yeni, həyəcanverici bir macəra vəd edir.
Süjetin mərkəzində keçmiş dəniz piyadası, indi isə Na’vi xalqının lideri Ceyk Salli (Sem Uortinqton, “Avatar”, “Everest”), Na’vi döyüşçüsü Neytiri (Zoi Saldana, “Avatar”, “Ulduz Trek”, “Qisasçılar”) və onların ailəsi dayanır.
Filmdə Siqurni Uiver (“Yadplanetli”, “Ruhlar ovçuları”), Keyt Uinslet (“Titanik”), Kliff Körtis (“Meq”), Cek Çempion, Britan Dalton, Triniti Bliss, Beyli Bass, Una Çaplin və digər aktyorlar da rol alıblar.
Filmin janrı ekşn, fentezi, macəra, triller və elmi fantastikanı özündə birləşdirir. Treyler Pandoranın dünyasında möhtəşəm səhnələr və yeni kəşflər vəd edir.
Tamaşaçılar Salli ailəsi ilə birlikdə tanış, lakin daha genişmiqyaslı və inanılmaz Na’vi dünyasına qərq ola biləcəklər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
