Gülbən Ergen və Demet Akalın arasında QALMAQAL BÖYÜYÜR

Gülbən Ergen və Demet Akalın arasındakı gərginlik artır: İndi də bloklama böhranı

Türkiyənin məşhur müğənniləri Gülbən Ergen və Demet Akalın arasındakı münasibətlər son günlərdə sosial mediada yaşanan hadisələrlə daha da gərginləşib.

Lent.az xəbər verir ki, sosial mediada hazırda gündəm olan mövzulardan biri də budur.

Təşəkkür məsələsi ilə başlayan gərginlik

Gülbən Ergenin qurucusu olduğu "Çocuklar Gülsün Diye" Dərnəyi, Türkiyənin Diyarbəkir bölgəsində qətlə yetirilən Narin Güran adına bir uşaq bağçası inşa edib və bu layihəyə dəstək verənlərə sosial media üzərindən təşəkkür edib. Lakin Demet Akalın, dəstək istədiyi ailənin bu təşəkkür siyahısında yer almamasına görə narazılığını bildirib və "İnsanlara ayıb oldu" deyə sitəm edib. Gülbən Ergen isə cavabında, "Oyun parkımızı quran dəyərli dostların “Instagram”dan təşəkkür gözlədiyini düşünmədim. Mən WhatsAppdan təşəkkür etmişdim" ifadələrini işlədib.

Sosial mediada bloklama və qarşılıqlı ittihamlar

Bu hadisədən sonra Demet Akalın, Gülbən Ergeni sosial media platforması X-də (əvvəlki Twitter) bloklayıb. Gülbən Ergen bu vəziyyəti sonradan fərq edərək, "Qoyun can dərdində, qəssab mal" şəklində bir paylaşım edib. Demet Akalın isə bu paylaşıma sərt cavab verərək, "Qəssab mənəm, mal da mənim yəqin ki! Takipdən çıxdım, bəli. Narinin məktəb tikintisi bitməyəcək, rüsvay olacağam dedi. O zaman qəssab deyildim amma." sözlərini bildirib və Gülbən Ergeni "səmimiyyətsiz" olmaqda ittiham edib.