Müğənni Kərim: “Dedilər ki, mahnıma qulaq asan qız damarlarını kəsib...”
27 may 2009 14:00 (UTC +04:00)

Müğənni Kərim: “Dedilər ki, mahnıma qulaq asan qız damarlarını kəsib...”

Müğənni Kərimin “Sən yetər ki, sev” mahnısı müğənniyə problem yaradıb. Müğənni dərdini Lent.az-a açıqlayıb: “Artıq neçə vaxtdır, telefonuma hədə-qorxular gəlir”.
Kərimin iddiasına görə, Şirvan şəhərinin sakinlərindən biri ona telefon açaraq “bu nə mahnıdır oxumusunuz, mənim qızım ona layiq olmayan bir insana ərə vermədiyimiz üçün sənin o mahnına qulaq asırdı. Mahnıdan təsirlənib, damarlarını kəsib”,- deyib.
Müğənni hazırda həmin şəxslərin onu məhkəməyə verməyə hazırlaşdıqlarını deyib: “Mənə dedilər ki, səni məhkəməyə verəcəyik. Lakin bu olduqca gülünc açıqlamadır. Əgər bu həqiqətən də mənəviyyata, insanlığa zərər vuran mahnı olsaydı, Alim Qasımov kimi dünya şöhrətli müğənni mənimlə bu mahnını oxumazdı”.

Lalə Yusifqızı
# 386

Oxşar yazılar