Müğənni Xəyyam Nisanov yeni diskini və saytını təqdim etdi
10 fevral 2010 19:15 (UTC +04:00)

Müğənni Xəyyam Nisanov yeni diskini və saytını təqdim etdi

Fevralın 10-da müğənni Xəyyam Nisanov yeni DVD diskini və www.xayyam.az saytını mətbuat nümayəndələrinə təqdim edib. Lent.az-ın məlumatına görə, DVD diskdə müğənninin ötən il Qubada reallaşdırdığı “İstidir” adlı konserti yer alıb. Həmin konsertin rəhbəri Vaqif Gərayzadə olub. Diskdə həm də Xəyyamın bu günə qədər çəkdirdiyi “İstanbul”, “Elə-belə gəl”, “İndi bildim” və digər klipləri də yer alıb.

Qeyd edək ki, 4 ildir ifaçılıqla məşğul olan Xəyyam Nisanov mətbuata ilk və rəsmi veb səhifəsini təqdim edib. Saytda Xəyyamla interaktiv ünsiyyət imkanı da mövcuddur.

Müğənninin musiqi prodüseri Murad Arif Xəyyamın ifaçılıq potensialını yüksək qiymətləndirib və irəlidə bir neçə qeyri-adi layihələrlə tamaşaçıların qarşısına çıxacağını xəbər verib.

Xəyyam özü isə bir neçə aydan sonra təkrar görüşdükdə “hər şeyin daha fərqli olacağına” jurnalistləri əmin edib.

Lalə Yusifqızı
# 446

Oxşar yazılar