Mərkəzi Bankın sədri Elman Rüstəmov Avropa Yenidənqurma və İnkişaf Bankının (AYİB) Direktorlar Şurasının üzvlərini qəbul edib.
Bankın Kommunikasiya Departamentindən Lent. az-a verilən məlumata görə, görüşdə Azərbaycanın iqtisadi inkişafı, növbəti illərdə ölkə iqtisadiyyatının qarşısında duran çağırışlar, bank sektorundakı islahatlar və gələcək əməkdaşlıq imkanları müzakirə edilib.
Direktorlar Şurasında Böyük Britaniya Birləşmiş Krallığından direktor Conatan Okenden AYİB-nin Azərbaycanın bank sektoru ilə uğurlu əməkdaşlığından məmnun olduğunu və bu əlaqələrin bundan sonra da inkişaf edəcəyinə əminliyini vurğulayıb. Elman Rüstəmov isə ölkəmizin AYİB ilə ikitərəfli münasibətlərinin uğurla inkişaf etdiyini və bu beynəlxalq maliyyə institutunun Azərbaycanın bank sistemində iştirakının təqdirəlayiq olduğunu söyləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
