Bakıda bal sərgisi keçirilir
21 oktyabr 2009 10:30 (UTC +04:00)

Bakıda bal sərgisi keçirilir

Almaniya səfirliyinin “Kapellhaus” Mədəniyyət Evində təşkil olunan sərgi 5 gün davam edəcək

Bu gün Bakıda arıçılıq məhsullarının satışı və sərgisi yarmarkası başlayıb. Bu dəfə yarmarka Dənizkənarı Parkda deyil, Almaniya səfirliyinin “Kapellhaus” Mədəniyyət Evində təşkil olunub.

Kənd Təsərrüfatı Nazirliyindən Lent.az-a bildiriblər ki, sayca yeddinci sərgi-satış yarmarkası 5 gün davam edəcək. Tədbirdə ölkənin bütün bölgələrindən olan arıçılıq təsərrüfatları öz məhsullarını nümayiş etdirir. Sərgidə arı südündən tutmuş, baldan hazırlanan xüsusi kosmetik vasitələr, bərəmum, güləm kimi müalicəvi əhəmiyyətə malik arı məhsulları da nümayiş etdirilir.

Nazirlikdə deyirlər ki, hazırda Azərbaycanda 126 min arı ailəsi var. Onlardan 1000-ə qədəri Kənd Təsərrüfatı Nazirliyinin tabeliyində olan müəssisələrdə, qalanları isə fərdi təsərrüfatlarda saxlanılır. Bu təsərrüfatlarda təxminən 3 mindən çox işçi çalışır.

Nazirliyin hesablamalarına görə, hər il Azərbaycanda 10 min tondan çox bal istehsal edilir.

Elxan SALAHOV
# 836

Oxşar yazılar