Əlixan Məlikov vəzifədən çıxarıldı
22 iyul 2009 18:00 (UTC +04:00)

Əlixan Məlikov vəzifədən çıxarıldı

Onun yerinə “Neftçi”nin prezidenti təyin edildi

ARDNŞ prezidenti Rövnəq Abdullayev “Azərbaycan Respublikası Prezidentinin 20 iyul 2009-cu il tarixli 126 nömrəli “ARDNŞ-nin strukturunun təkmilləşdirilməsi haqqında” Prezidentin 24 yanvar 2003-cü il tarixli 844 nömrəli Fərmanına dəyişikliklər və əlavələr edilməsi barədə Fərmanı”nın icrası barədə əmr imzalayıb.

Bu barədə Lent.az-a ARDNŞ-dən bildirilib. Əmrə əsasən, Prezidentin 1 iyul 2009-cu il tarixli 366 nömrəli sərəncamı ilə yenidən təşkil olunmuş və ARDNŞ-nin tabeliyinə verilmiş “Azəriqaz” Qapalı Səhmdar Cəmiyyətinin bazasında Azərbaycan Respublikası Dövlət Neft Şirkətinin “Azəriqaz” İstehsalat Birliyi yaradılıb. Həmin əmrlə ARDNŞ-nin “Qaz Əməliyyatları İdarəsi”nin adı dəyişdirilərək “Qaz İxrac İdarəsi” adlandırılıb, Dövlət Neft Şirkətinin “Neftqazlayihə” və “Elmi Tədqiqatlar” İnstitutları birləşdirilərək, onların bazasında “Neftqazelmitədqiqatlayihə” İnstitutu yaradılıb. ARDNŞ prezidentinin digər əmrləri ilə Əkbər Hacı oğlu Hacıyev “Azərneftyağ” Neft Emalı Zavodunun direktoru vəzifəsindən azad edilərək ARDNŞ-nin “Azəriqaz” İstehsalat Birliyinin baş direktoru, “Azərneftyağ” Neft Emalı Zavodunun direktor müavini Rövşən İmran oğlu Həsənov isə zavodun direktoru təyin edilib.

Əkbər Hacı oğlu Hacıyev 1972-ci ildə anadan olub. 1993-cü ildə Sankt-Peterburq şəhərində Mühəndis–İnşaat İnstitutunu bitirib. Ə.H.Hacıyevin əmək fəaliyyəti 2004-cü ildə “Məişət Maye Qaz” Açıq Tipli Səhmdar Cəmiyyətində başlayıb. 2006-cı ilədək həmin cəmiyyətin sədri vəzifəsində çalışıb. 2006-cı ilin mart ayından son təyinata qədər “Azərneftyağ” Neft Emalı Zavodunun direktoru vəzifəsində çalışıb.
Əkbər Hacıyev “Neftçi” Peşəkar Futbol Klubunun prezidentidir.
Qeyd edək ki, “Azəriqaz” QSC ləğv olunanadək qurumun prezidenti Əlixan Məlikov idi.

Pərvin ABBASOV
# 1904

Oxşar yazılar

Lokal dayanmalarla bağlı sosial şəbəkələrdəki reaksiyalara cavab: “Azəriqaz” qışa tam hazırdır!” -  VİDEO

Lokal dayanmalarla bağlı sosial şəbəkələrdəki reaksiyalara cavab: “Azəriqaz” qışa tam hazırdır!” - VİDEO

2 dekabr 2022 , 19:48
“The Banker” ABB-ni "İlin bankı” elan etdi®

“The Banker” ABB-ni "İlin bankı” elan etdi®

2 dekabr 2022 , 18:57
"Azəriqaz" Mingəçevirdə vətəndaş qəbulu KEÇİRƏCƏK

"Azəriqaz" Mingəçevirdə vətəndaş qəbulu KEÇİRƏCƏK

2 dekabr 2022 , 15:55
® “Final çay iç, Finalda qazan!” lotereyasının ikinci tirajının qalibləri müəyyənləşdi!

®“Final çay iç, Finalda qazan!” lotereyasının ikinci tirajının qalibləri müəyyənləşdi!

2 dekabr 2022 , 14:12
® İnnovasiya Sammitinə sayılı günlər qaldı!

®İnnovasiya Sammitinə sayılı günlər qaldı!

2 dekabr 2022 , 10:31
® Aylıq 807 AZN-ə göl və bulvar mənzərəli 3 otaq studiya mənzillər!

®Aylıq 807 AZN-ə göl və bulvar mənzərəli 3 otaq studiya mənzillər!

1 dekabr 2022 , 15:55
® Birbank sahibləri noyabr ayında 2,8 milyon manat keşbek əldə ediblər

®Birbank sahibləri noyabr ayında 2,8 milyon manat keşbek əldə ediblər

1 dekabr 2022 , 10:32
Qəbələlilərdən "Azəriqaz"a MÜRACİƏT

Qəbələlilərdən "Azəriqaz"a MÜRACİƏT

30 noyabr 2022 , 17:39