Bu gündən Gəncə-Naxçıvan-Gəncə aviareysləri bərpa olunur
25 dekabr 2009 10:50 (UTC +04:00)

Bu gündən Gəncə-Naxçıvan-Gəncə aviareysləri bərpa olunur

Bu gündən etibarən “Azərbaycan Hava Yolları” QSC (AZAL) Gəncə-Naxçıvan-Gəncə marşrutu üzrə birbaşa sərnişin aviareyslərini bərpa edir. Bu barədə Lent.az-a Naxçıvan Beynəlxalq Hava Limanından məlumat verilib.

28 aylıq fasilədən sonra bu gün ilk reys günorta saatlarında baş tutacaq. Saat 14-də Gəncədən çıxıb, saat 15-də Naxçıvanda olacaq təyyarə saat 16.50-də yenidən Naxçıvandan Gəncəyə yola düşəcək.

Sözügedən marşrut üzrə uçuşlar hər həftənin I, III və V günləri ATR tipli avialaynerlə yerinə yetiriləcək: “Bir istiqamətdə aviabiletin qiyməti 39 manat, Gəncə-Naxçıvan-Gəncə marşrutu üzrə isə müvafiq olaraq 78 manat təşkil edir”.

Xatırladaq ki, əvvəllər həftədə 2 dəfə baş tutan Gəncə-Naxçıvan-Gəncə marşrutu ilə uçuşlar 2007-ci ilin avqust ayında dayandırılmışdı.

Fariz YUNİSLİ
# 1241

Oxşar yazılar