Foqts dünyanın və Azərbaycanın ən yaxşı 3 futbolçusunu açıqladı
Futbol üzrə Azərbaycan milli komandasının baş məşqçisi Berti Foqts 2012-ci ildə dünyanın və Azərbaycanın ən yaxşı 3 futbolçusunu açıqlayıb. Almaniyalı mütəxəssis Lent.az-a bildirib ki, FİFA-nın keçirdiyi sorğuda 1-ci pilləyə İspaniya milli komandasının və “Barselona” klubunun yarımmüdafiəçisi Andreas İnyestanı layiq görüb.
İnyestanın həmklubu, Argentina millisinin hücumçusu Lionel Messi ikinci, Portuqaliya yığması və İspaniyanın “Real Madrid” klubunun oyunçusu Kriştianu Ronaldu isə üçüncü pillədə göstərilib.
Foqts Azərbaycan millisində isə ən yaxşı oyunçu qismində “Xəzər Lənkəran”ın müdafiəçisi Ruslan Abışovu fərqləndirib. O, sonrakı iki pilləyə isə “Qarabağ”ın oyunçularından hücumçu Rauf Əliyev və müdafiəçi Maksim Medvedevi qoyub.
Qeyd edək ki, yığmamızın ən yaxşı futbolçusu Ruslan Abışov sayılıb. Dünyanın ən yaxşı oyunçusunun adını isə FİFA gələn ay açıqlayacaq.