Bu peşələr demensiya riskini artırır

Alimlər hansı peşələrin demensiya riskini əhəmiyyətli dərəcədə artırdığını aşkar ediblər.

Lent.az xarici mətbuata istinadən xəbər verir ki, araşdırmalara görə, monoton iş insanın idrak qabiliyyətinə mənfi təsir göstərə bilər və gündəlik fəaliyyətlər zamanı beyin stimullaşdırılmasının olmaması səbəbindən demensiya inkişaf riskini artırır.

Norveçin Oslo Universitet Xəstəxanasının alimləri 30 il ərzində 7000 norveçlinin məlumatlarını təhlil ediblər.

Nəticələr göstərib ki, eyni tipli tapşırıqların təkrarlanmasını tələb edən gündəlik iş koqnitiv pozğunluq riskini 66%, demensiyanın inkişaf riskini isə 37% artırır. Bu qrupa fabrik işçiləri, kassirlər, ev işçiləri və işi monoton işlərlə bağlı olan başqaları daxil idi.

Digər tərəfdən, tədris, hüquqi təcrübə, tibbi təcrübə və mühəndislik işi kimi daha mürəkkəb və idrak baxımından zəngin iş demensiyanın inkişaf riskini azaldır. Bu cür peşələr yaradıcı düşüncə, analitik bacarıq və digər insanlarla ünsiyyət tələb edir.