Mərakeşdə keçirilən klublararası dünya çempionatında finalçılar müəyyənləşib. Lent.az-ın məlumatına görə, ikinci yarımfinal matçında yerli “Raca Kasablanka” komandası Braziliyanın “Atletiko Mineyro” klubunu yenməyi bacarıb – 3:1.
Bütün qollar fasilədən sonra vurulub. 64-cü dəqiqədə meydan sahiblərinin futbolçusu Muhsin Yajur hesabı açıb. 13 dəqiqə sonra Ronaldinyo bərabərlik qolunu vurub. “Raca”ya qələbə gətirən qolların müəllifləri isə 84-cü dəqiqədə Mosin Mutuali və 90+4-cü dəqiqədə Vivyen Mabide olub.
Beləliklə, dekabrın 21-də keçiriləcək həlledici qarşılaşmada “Raca Kasablanka” Almaniya “Bavariya”sı ilə üz-üzə gələcək. “Bavariya” yarımfinalda Çinin “Quançjou” komandasını məğlub edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
