"Real" "Santyaqo Bernabeu"nun soyunma otağını hərraca çıxardı

“Real Madrid” komandanın “Santyaqo Bernabeu”nun köhnə soyunub-geyinmə otağını hərraca çıxarıb.

Lent.az xarici mediaya istinadla bildirir ki, futbolçuların adları və fotoşəkilləri olacaq 24 şkafın hər birinin başlanğıc qiyməti 10 min funt sterlinq olacaq.

Soyunub-geyinmə otağından 2001-ci ildən 2022-ci ilə kimi istifadə olunub. Şkaflar "Blankos"un La Liqa və Çempionlar Liqasını qazandığı 2021/22 mövsümündə olduğu formada hərraca çıxarılacaq.

Şkaflar orijinallıq sertifikatı və 20 ildən artıq istifadə edən oyunçuların siyahısı ilə müşayiət olunacaq.

Bu müddət ərzində "Real Madrid" "Santyaqo Bernabeu"da 544 ev oyunu keçirib. 6 Çempionlar Liqası və 6 La Liqa çempionluğu da daxil olmaqla 20 kubok qazanıb.

Hərracdan əldə olunan gəlirin bir hissəsi klubun xeyriyyə fonduna göndəriləcək.