Klub 12-ci oyunçusunu meydana çıxardı, qalib gəldi: Hakimlər görmədilər

İndoneziya çempionatının 16-cı turunun oyununda “PSM Makassar” komandası “Barito Putera” ilə görüşün sonunda 12-ci futbolçusunu meydana buraxıb.

Lent.az-ın xarici mediaya stinadla xəbərinə görə, əlavə meydança oyunçusu komandaya 3:2 hesablı qələbəni qoruyub saxlamağa kömək etsə də, sonradan hiylənin üstü açılıb. “Makassar” bunun mənfi nəticələri ilə üzləşib.

Diqqətli rəqib

İndoneziyanın “Detik” nəşri yazır ki, “Makassar” 98-ci dəqiqədən oyunun sonuna kimi çoxluqda oynayıb. Meydan sahibləri əlavə olunmuş vaxtda üçlü əvəzləmədən sonra say üstünlüyü əldə ediblər - futbolçulardan biri meydanda qalıb. Artıq futbolçunun adı da müəyyənləşib - bu, hücumçu Axmat Faxrul Aditadır.

Rəqibin məşqçilər korpusu diqqəti əsas futbol qaydalarından birinin - 11-ə 11-lik heyətlə oynamağın kobud şəkildə pozulmasına yönəldib. Uduzulan oyundan sonra “Barito Putera” təmsilçiləri liqaya məktub yazaraq 12 “Makassar” oyunçusunun əks olunduğu ekran görüntüsünü əlavə ediblər.

Liqa dərhal reaksiya verib: “Biz prosesdəyik. Qərar liqamızın qaydaları əsasında veriləcək. Bütün hesabatlar tərtib olunacaq”, - İndoneziya çempionatının direktoru Ferri Paulyus bildirib.

Klub məsuliyyəti hakimlərin üzərinə atmağa tələsib: “Bizim vəzifəmiz ehtiyat hakimə əvəzetmə barədə bildiriş verməkdir. Qalan hər şey hakimin səlahiyyətindədir. Onlar əvəzedici oyunçuların giriş-çıxışlarını tənzimləyir”, - klubun mətbuat katibi Süleyman Abdul Karim bildirib.

“Makassar”ın narahat olması üçün kifayət qədər əsas var - icazəsiz 12-ci oyunçunun meydana çıxması bütün dünyada kifayət qədər ciddi pozuntu hesab olunur və bütün şiddətlə cəzalandırılır. “Makassar”ın vəziyyətində, demək olar ki, yüz faiz ehtimalı olan qalibiyyət texniki məğlubiyyətə çevriləcək. Bundan əlavə, qanunu pozan şəxsi 90 milyon rupi (təxminən 5 min avro) məbləğində cərimə də gözləyir.

Bu, Avropada da olur

İndoneziyada qeydə alınan bu qayda pozuntusu yəqin ki, peşəkar futbolun ən yaxşı nümunəsi deyil. Ancaq oxşar hekayələr Avropada və nisbətən yaxınlarda baş verib. Bunu heç gözləmədiyiniz halda “Bavariya”nın etməsi əsl axmaqlıq idi!

Fakt 2022-ci ilin aprelində Bundesliqada “Frayburq”la oyunda baş verib. 85-ci dəqiqədə Julian Naqelsmann Koman və Tolissonu Sabitzer və Zyule ilə əvəzləyib və oyun davam edib. Və bir dəqiqə sonra hakim Komanın hələ də meydanda olduğunu aşkar edib - sonrakı qalmaqalın səs-küyü altında Kinqsli sürətlə kənara qaçıb. “Bavariya” 16 saniyə say üstünlüyü ilə oynayıb.

Məsələ dərhal yoluna qoyulub - məlum olub ki, münhenli futbolçulardan biri rəqəmləri qarışdırıb və 29 rəqəminin meydanı tərk etməli olduğunu göstərib. “Bavariya”da bu baş verməyib - Koman 11 nömrəli formanı geyinibmiş.

Önəmsiz görünən pozuntuya baxmayaraq, yenə də kiçik bir qalmaqal baş verib. “Frayburq” bərabər heyətdə 1:4 hesabı ilə uduzub, buna görə də o qədər də qəzəbli münasibət göstərilməyib. Liqaya apellyasiya şikayəti verilsə də, bunun “göstərmək üçün” edildiyi bildirilib.

Liqa "Bavariya"nı cəzalandırmayıb - rəsmilər bunun Münhen komandasının pis niyyəti deyil, sadəcə rəsmilərin (o cümlədən dördüncü hakimin) diqqətsizliyi olduğunu etiraf ediblər. 4:1 hesablı nəticə Naqelsmannın komandasının xeyrinə qüvvədə qalıb.