Səudiyyə Ərəbistanının Pro Liqa komandalarından olan "Əl-Şabab"ın Türkiyə futbolunun əfsanəvi məşqçilərindən olan Fatih Terimlə müqavilə imzalamaq üzrə olduğu iddia edilib.
Lent.az-ın xarici mediaya istinadla məlumatına görə, Yunanıstanın "Panatinaikos" komandasından ayrıldıqdan sonra heç bir komanda çalışdırmayan Fatih Terim yenidən məşqçiliyə hazırlaşır. Türkiyə futbolunun əfsanəsi ilə bağlı çox danışılan iddia ortaya atılıb.
Səudiyyə Ərəbistanı mətbuatının yazdığına görə, Pro Liqa komandalarından olan Vitor Pereyranın keçmiş komandası "Əl-Şabab" Fatih Terimin baş məşqçi təyin olunması üçün rəsmi təkliflə çıxış edib. Sözügedən xəbərdə Səudiyyə Ərəbistanı komandasının Terimlə müqavilə imzalamaq üzrə olduğu yazılıb.
Vitor Pereyra İngiltərə Premyer Liqasında çıxış edən "Vulverhempton"a keçdikdən sonra köməkçi məşqçi Luis Migelin çalışdırdığı "Əl-Şabab" Səudiyyə Ərəbistanı Liqasında 23 xalla 6-cı pillədə qərarlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
