Çempionlar Liqasını kim qazanacaq? Kriştiano Ronaldonun PROQNOZU

Portuqaliyalı futbolçu Kriştiano Ronaldo Çempionlar Liqasının 2024/25 mövsümünün qalibinin keçmiş klubu “Real” olacağını proqnozlaşdırır.

Lent.az bildirir ki, bu barədə Britaniyanın “Mirror” nəşri yazır.

Bildiyiniz kimi, Madrid klubu kubokun hazırkı sahibidir - Dortmund "Borussiya"sını 2:0 hesabı ilə məğlub edərək kubokun 15 qat qalibi olub. Ronaldonun özü karyerası ərzində beş dəfə turnirin qalibi olub, onlardan dördü Madriddə olduğu müddətdə baş berib.

"Komandaların həmişə yaxşı və pis günləri olur. "Mançester Siti"nin pis günləri başlayı, lakin onlar geri qayıdacaqlar... Mən “Real”ın Çempionlar Liqasını yenidən qazanacağına mərc edərdim, çünki bütün digər komandalar Madrid klubu ilə “Bernabeu”da oynayanda qorxurlar”, - Ronaldo bildirib.

O, həmçinin “Real”ın hazırkı baş məşqçisi Karlo Ançelottini tərifləyərək onun "çox ağıllı oğlan" olduğunu qeyd edib:

"İnsanlar məndən Karlonun niyə yaxşı məşqçi olduğunu soruşduqda, həmişə deyirəm ki, o, futbolçularla necə ünsiyyət qurmağı bilir. Bu, uğur qazanmağın açarıdır, ona görə də təsadüfi deyil ki, o, hər şeyi qazanıb. Bundan başqa, o, yaxşı insandır".