Azərbaycan millisinə yeni baş məşqçi təyin olundu
02 noyabr 2009 10:00 (UTC +04:00)

Azərbaycan millisinə yeni baş məşqçi təyin olundu

Reqbi üzrə Azərbaycan milli komandasına yeni baş məşqçi təyin olunub.


Bu haqda Lent.az-a Azərbaycan Reqbi Federasiyasının prezidenti Eldəgiz Rəfibəyli məlumat verib. Onun sözlərinə görə, gürcüstanlı mütəxəssis Malxaz Çeişvili ilə müqavilə bağlanılıb. Çeişvili bunadək Gürcüstan millisinə rəhbərlik edib. O, öz ölkəsinin komandasını 2007-ci il dünya çempionatının final mərhələsinə çıxarıb. Təcrübəli baş məşqçi hazırda Beynəlxalq Reqbi Şurasının Tbilisidə açdığı akademiyada müəllim kimi də çalışır.


Çeişvilinin yığmamızda ilk sınağı isə noyabrın 7-də olacaq. Həmin gün komandamız Dövlət Bədən Tərbiyəsi və İdman Akademiyasının stadionunda Avropa Millətlər Kubokunun 3D divizionundakı rəqiblərindən olan Bosniya və Herseqovina ilə qarşılaşacaq.
# 608

Oxşar yazılar