Çempionlar Liqası: “Zenit” və Kiyev “Dinamo”su da uduzdu
26 avqust 2010 10:46 (UTC +04:00)

Çempionlar Liqası: “Zenit” və Kiyev “Dinamo”su da uduzdu

Lent.az-ın məlumatına görə, avqustun 25-də keçirilmiş cavab görüşlərinin nəticələrinə əsasən, yalnız meydan sahibləri Avropanın ən nüfuzlu klub turnirində mübarizəni davam etdirmək hüququ qazanıblar.

Postsovet məkanı təmsilçilərindən Rusiya “Zenit”ı və Ukraynanın Kiyev “Dinamo”su Fransa “Oser”i və Hollandiya “Ayaks”ına uduzaraq, Avropa Liqasının qrup mərhələsinə eniblər. Eyni aqibətlə Norveç “Rusenborq”u, Çexiya “Sparta”sı və İsveçrə “Yanq Boyz”u da üzləşib. Əvəzində “Oser” və “Ayaks”dan əlavə, Danimarka “Kopenhagen”i, Slovakiya “Jilina”sı və İngiltərə “Tottenhem”i Çempionlar Liqasının qrup mərhələsinə yüksəliblər.

Qeyd edək ki, avqustun 24-də baş tutmuş ilk 5 cavab görüşündən sonra “Bazel” (İsveçrə), “Hapoel” (Təl-Əviv, İsrail), “Partizan” (Serbiya), “Braqa” (Portuqaliya) və “Verder” (Almaniya) Çempionlar Liqasının, “Şerif” (Moldova), “Zalsburq” (Avstriya), “Anderlext” (Belçika), “Sevilya” (İspaniya) və “Sampdoriya” (İtaliya) Avropa Liqasının qrup mərhələsində mübarizə aparacaqları məlum olub.

25 avqust

“Kopenhagen” (Danimarka)
– “Rusenborq” (Norveç) – 1:0
Selvi Ottesen, 33
İlk oyun - 1:2

“Jilina” (Slovakiya) –
“Sparta” (Praqa, Çexiya) – 1:0
Momodu Sisey, 18
İlk oyun – 2:0

“Tottenhem” (İngiltərə) –
“Yanq Boyz” (İsveçrə) – 4:0
Piter Krauç, 5; 61; 78-penalti ilə. Cermeyn Defo, 32
İlk oyun – 2:3

“Oser” (Fransa) –
“Zenit” (Rusiya) – 2:0
Sefrik Anqbar, 9. İreneuş Yelen, 53
İlk oyun – 0:1

“Ayaks” (Hollandiya) –
“Dinamo” (Kiyev, Ukrayna) – 2:1
Luis Suares, 43. Munir Əl-Həmdəui, 75 – Andrey Şevçenko, 84 – penalti ilə
İlk oyun – 1:1.

24 avqust

“Hapoel” (Təl-Əviv, İsrail)
– “Zalsburq” (Avstriya) – 1:1
Eran Zahavi, 90+2 – Duqlas, 42 – öz qapısına
İlk oyun – 3:2

“Şerif” (Moldova) – “Bazel” (İsveçrə) – 0:3
Marko Ştreller, 74. Aleksandr Frey, 80; 87
İlk oyun – 0:1

“Anderlext” (Belçika) – “Partizan” (Serbiya) – 2:2 (penaltilərlə - 2:3)
Romelu Lukaku, 64. Giyom Jiye, 71 - Kleo, 15; 53
İlk oyun – 2:2

“Sevilya” (İspaniya) – “Braqa” (Portuqaliya) – 3:4
Luis Fabiano, 60. Hesus Navas, 84. Frederik Kanute, 90+1 – Mateus, 31. Lima, 58; 85; 90
İlk oyun - 0:1

“Sampdoriya” (İtaliya) – “Verder” (Almaniya) – 3:2 (əsas vaxt – 2:2)
Campaolo Patsini, 8; 13. Antonio Kassano, 85 - Torsten Frinqs, 67-penalti ilə. Klaudio Pisarro, 100
İlk oyun – 1:3.
# 699

Oxşar yazılar