Avropa Liqası: Hamı 13 vəsiqə, “Neftçi” 3-cü yer uğrunda

Lent.az-ın məlumatına görə, bu gecə 1/16 final mərhələsinə son 13 vəsiqənin sahibi müəyyənləşəcək.

Azərbaycan təmsilçisi “Neftçi” isə H qrupunda sonuncu olmamaq üçün mübarizə aparacaq. Bunun üçün flaqman İtaliyada “İnter”lə keçirəcəyi matçda Serbiyada Rusiya “Rubin”ini qəbul edəcək “Partizan”dan daha yaxşı nəticə göstərməlidir. Hazırda hərəyə 2 xala malik “Partizan” və “Neftçi” 3-4-cü yerləri bölüşdürürlər. “Rubin” qrup lideri, “İnter” qrup ikincisi kimi növbəti mərhələyə vəsiqəni təmin edib. “Partizan” şəxsi görüşlərdə (Bakıda 1:1, Belqradda 0:0), səfərdə vurduğu qol sayəsində “Neftçi”ni qabaqlayır. Flaqman 3-cü pillədəki mövqeyinə qayıtmaq üçün “İnter”dən mütləq xal almalı və Serbiya təmsilçisinin evdə büdrəyəcəyinə ümid etməlidir. Həm İtaliya, həm də Rusiya komandalarında əsas heyətin bir çox futbolçusu start heyətinə daxil edilməyib.

Milan şəhərindəki “Cüzeppe Meatsa” stadionunda keçiriləcək “İnter” – “Neftçi” görüşünü Bosniya və herseqovinalı baş hakim Emir Aleçkoviç idarə edəcək.

A qrupu

22:00. “Yanq Boyz” (İsveçrə) – “Anji” (Rusiya)
22:00. “Udineze” (İtaliya) – “Liverpul” (İngiltərə)

B qrupu

22:00. “Hapoel” (Təl-Əviv, İsrail) – “Akademika” (Portuqaliya)
22:00. “Viktoriya” (Çexiya) – “Atletiko” (İspaniya)

C qrupu

22:00. AEL (Kipr) – “Marsel” (Fransa)
22:00. “Fənərbağça” (Türkiyə) – “Borussiya” (M, Almaniya)

D qrupu

22:00. “Maritimu” (Portuqaliya) – “Brügge” (Belçika)
22:00. “Bordo” (Fransa) – “Nyukasl” (İngiltərə)

E qrupu

22:00. “Ştutqart” (Almaniya) – “Molde” (Norveç)
22:00. “Kopenhagen” (Danimarka) – “Styaua” (Rumıniya)

F qrupu

22:00. “Dnepr” (Ukrayna) - AİK (İsveç)
22:00. “Napoli” (İtaliya) - PSV (Hollandiya)

G qrupu

00:05. “Genk” (Belçika) – “Bazel” (İsveçrə)
00:05. “Sportinq” (Portuqaliya) – “Videoton” (Macarıstan)

H qrupu

00:05. “Partizan” (Serbiya) – “Rubin” (Rusiya)
00:05. “İnter” (İtaliya) – “Neftçi” (AZƏRBAYCAN)

İ qrupu

00:05. “Lion” (Fransa) – “Hapoel” (Kiryat-Şmona, İsrail)
00:05. “Atletik” (İspaniya) – “Sparta” (Çexiya)

J qrupu

00:05. “Maribor” (Sloveniya) – “Latsio” (İtaliya)
00:05. “Tottenhem” (İngiltərə) – “Panatinaikos” (Yunanıstan)

K qrupu

00:05. “Rapid” (Avstriya) – “Metallist” (Ukrayna)
00:05. “Bayer” (Almaniya) – “Rusenborq” (Norveç)

L qrupu

00:05. “Levante” (İspaniya) – “Hannover” (Almaniya)
00:05. “Tvente” (Hollandiya) – “Helsinqborq” (İsveç)

Qeyd edək ki, oyunların başlama saatı Bakı vaxtı ilə göstərilib.