Ötən gün respublikanın avtomobil yollarında ölümlə nəticələnən 2 ağır yol qəzası qeydə alınıb. Nəticədə 3 nəfər ölüb, 3 nəfər xəsarət alıb.
Lent.az Daxili İşlər Nazirliyinə istinadla həmin qəzzaların təfərrüatlarını təqdim edir.
İlk belə qəza saat 15 radələrində Sumqayıt şəhərinin Yeni Yaşma qəsəbəsi ərazisində baş verib. Bakı şəhər sakinləri A.Rzayevin idarə etdiyi “Hyundai” və Fuad Musazadənin idarə etdiyi “Mercedes” markalı avtomobillər toqquşub. Nəticədə F.Musazadə və A.Rzayevin sərnişini, həmyerlisi Kamran Atayev hadisə yerində ölüb. A.Rzayev xəstəxanaya yerləşdirilib.
Digər ölümlə nəticələnən qəza saat 23 radələrində Sabunçu rayonu, Maştağa qəsəbəsi ərazisində olub. Bakı şəhər sakinləri Seyidmiri Fəttahovun idarə etdiyi “VAZ-2106” və Rafiq Həsənovun idarə etdiyi “Mercedes” markalı avtomobillər toqquşub. Nəticədə S.Fəttahov hadisə yerində ölüb, 1 sərnişini və digər sürücü xəstəxanaya yerləşdriliblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
