Bakı-Quba yolunun Şabran rayonunun Günəşli kəndi ərazisindən keçən hissəsində yol-nəqliyyat hadisəsi baş verib.
Lent.az APA-ya istinadla xəbər verir ki, Sumqayıt sakini Mahmudov Filman Telman oğlunun idarə etdiyi 99 JN 675 dövlət nömrə nişanlı, “Mersedes” markalı yük avtomobili Şabran rayon sakini Elvin Orucovun idarə etdiyi 77 XL 701 dövlət qeydiyyat nişanlı “Kia” markalı minik avtomobili ilə toqquşub. Nəticədə “Kia” yoldan çıxaraq aşıb.
Hadisə zamanı minik avtomobilində olan şəxslər, sürücünün həyat yoldaşı, 1984-cü il təvəllüdlü Rübabə Orucova və qızı - 2010-cu il təvəllüdlü Gülay Orucova xəsarət alıblar. Onlar Şabran rayon Mərkəzi Xəstəxanasına çatdırılıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
