Türkiyədə iftara çağırılan kişinin meyiti tapılıb.
Lent.az yerli mediaya istinadla bildirir ki, hadisə İzmir şəhərinin Menderes qəsəbəsində baş verib.
Məlumata görə, həyat yoldaşından ayrılan və 2 uşaq atası olan Çingiz Keskin tənha yaşayırmış. Yaxınları onu iftar məclisi üçün çağırmaq qərarına gəlsələr də, əlaqə saxlaya bilməyiblər. Nəhayət onun evinə gedən yaxınları kişinin kresloda oturuqlu vəziyyətdə öldüyünü görüblər.
Hadisə yerinə gələn polis əməkdaşları meyiti müayinə üçün məhkəmə-tibbi ekspertiza şöbəsinə göndəriblər. Mərhumun qəfil ürəktutmasından öldüyü məlum olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
