Gecə klubunda böyük sevgidən DJ-in qulağını dişlədi

Almaniyada diskotekaya gələn şəxs DJ-i qucaqlayaraq qulağının bir hissəsini dişləyib.

Lent.az xarici KİV-ə istinadla xəbər verir ki, məhkəmədə məlum olub ki, həmin şəxs əvvəllər də belə hərəkətlər edib.

Məlumata görə, hadisə hələ 2023-cü ilin fevralında Aşağı Saksoniyanın Qettinqen şəhərinin klublarından birində baş verib.

“Həmin axşam 34 yaşlı Düvid B. spirtli içki və qanunsuz maddələr qəbul edib, sonra 46 yaşlı DJ Martin B.dən ona pivə almasını istəyib”, - xəbərdə qeyd edilir.

Zərərçəkən nə baş verdiyini yalnız əlində qan görəndə anlayıb. Sonra yerdə qalan qulağın bir hissəsini görüb.

Xəstəxanada həkim qulağın dişlənmiş üçdə bir hissəsinə tikişlər qoyub, lakin zədələnmiş nahiyə qanqrenanın inkişafı səbəbindən sağalmayıb. Zərərçəkən yeni görkəmini qəbul edə bilməyib, amma yenə də plastik cərrahlardan kömək istəməmək qərarına gəlib. Məhkəmədə Martin güzgüyə baxmamağa üstünlük verdiyini etiraf edib.

“Cinayətdən bir neçə həftə sonra DJ təsadüfən Devidlə görüşüb və o, “bunu sevgi üçün etdiyini” deyib. Əvvəllər müttəhimlər kürsüsündə doqquz dəfə olmuş şəxs ağır bədən xəsarəti yetirməkdə ittiham olunub.

O, əvvəllər başqa bir şəxsi dişləyib, lakin məhkəmə heyəti müttəhimi sərbəst buraxıb və təkrar cinayət törədəni iki il şərti cəzaya məhkum edib. O, həmçinin qurbanına ağrı və əziyyətə görə 12 min avro məbləğində təzminat ödəməlidir.