Bakı metrosunda FACİƏ: ölən var - YENİLƏNİB

"Bakı Metropoliteni" QSC stansiyada əməkdaşın ölümü ilə bağlı yayılan məlumatlara münasibət bildirib.

Qurumun mətbuat katibi Bəxtiyar Məmmədov Lent.az-a açıqlamasında metropoliten əməkdaşı, 63 yaşlı Məlikəli Əliyevin ölümü xəbərini təsdiqləyib.

Qeyd edib ki, M.Əliyev fevralın 18-də özünü pis hiss edib. Təcili tibbi yardım çağırılıb və o, Kliniki Tibbi Mərkəzə aparılıb. Həkimlərin səyinə baxmayaraq, M.Əliyev fevralın 21-i axşam saatlarında xəstəxanada dünyasını dəyişib.

Bəxtiyar Məmmədovun sözlərinə görə, M. Əliyev insultdan vəfat edib.

***
Saat: 12:46

Bakı metrosunda ölüm hadisəsi baş verib.

Lent.az-ın məlumatına görə, hadisə metronun “İnşaatçılar” stansiyasında qeydə alınıb.

Orada elektrik mexanik işləyən 63 yaşlı Məlikəli Nufəli oğlu Əliyev iş otağında yıxılıb. Başından xəsarət alan elektrik xəstəxanaya yerləşdirilib. Həkimlərin səyinə baxmayaraq, onu xilas etmək mümkün olmayıb.

Faktla bağlı araşdırma aparılır.