Hacıqabulda sükan arxasında ölən sürücünün adı məlum olub.
Lent.az-ın əldə etdiyi məlumata görə, mayın 12-i saat 2:20-də yolun kənarında dayanan “Mercedes Axor” markalı yük avtomobilinin sürücüsü sükan arxasında qəflətən dünyasını dəyişib.
Araşdırmalarla onun 65 yaşlı Əhmədov Nadir Vəliəhəd oğlu olması müəyyənləşib.
Məlum olub ki, N. Əhmədov sükan arxasında kəskin ürək çatışmazlığından vəfat edib.
***
03:15
Hacıqabulda sürücü avtomobildə ölü tapılıb.
Lent.az APA-nın Mil-Muğan bürosuna istinadən xəbər verir ki, Bakı-Qazax magistralının Hacıqabul rayonunun Atbulaq kəndi ərazisindən keçən hissəsində park halında TIR tipli qoşqulu yük avtomobilinin kabinəsində sürücünün meyiti aşkar edilib.
Onun hansı vəziyyətdə öldüyü hüquq-mühafizə orqanları tərəfindən araşdırılır.
Meyit müayinə olunmaq üçün Şirvan Şəhər Patoloji Anatomiya Birliyinə yerləşdirilib.
