Beynəlxalq Gənclər Forumunda Dağlıq Qarabağla bağlı qətnamə qəbul olunub

ADTGT-dan APA-ya daxil olan məlumata görə, təlim kursları “Şərq Tərəfdaşlığı Ölkələri Gənclərinin Vətəndaş Təhsili Şəbəkəsi” layihəsi çərçivəsində Gəncədə keçirilmiş beynəlxalq forumun ardınca baş tutub və “gənclərin ictimai aktivliyi”, “vətəndaş təhsili”, “vətəndaş iştirakçılığı” və “vətəndaş fəallığı” mövzularında olub.

Təlimdə Azərbaycan, Gürcüstan, Moldova, Ukrayna, Belarus, Polşa və Ruminiyanın aparıcı gənclər təşkilatlarını təmsil edən gənclər Gəncə Bəyannaməsi qəbul ediblər. Bəyannamədə Şərq Tərəfdaşlığı ölkələrinin Gənclər Şəbəkəsinin yaradılması ideyası bəyənilib, tərəfdaş ölkələrin ərazilərindəki münaqişələrin, o cümlədən Dağlıq Qarabağ münaqişəsinin beynəlxalq hüquq normaları və Azərbaycanın ərazi bütövlüyü çərçivəsində həllinin dəstəklənməsi xüsusi bənd olaraq qeyd olunub.

Daha sonra forum iştirakçıları Ağdam rayonuna səfər ediblər. Onlara burda münaqişənin törtdiyi fəsadlarla bağlı danışılıb, müharibədən zərərçəkən insanlarla söhbət etmək imkanı yaradılıb.

Şəhid və məcburi köçkün ailəsində olan əcnəbi gənclər bu problemin tezliklə aradan qaldırılacağına ümid etdiklərini bildiriblər.