Kemeron az qala bir aydan sonra Putini tərifləyib

Britaniyanın baş naziri Devid Kemeron bu ilin mayında Rusiya prezidenti Vladimir Putinlə vergidə şəffaflığın təmin olunması ilə bağlı danışıqlardan razı qaldığını bildirib.

Lent.az-ın xarici informasiya vasitələrinə istinadən məlumatına görə, həmin görüş cari ilin mayında Soçidə keçirilib.

«Britaniyada yaşayan hər kəs vergi ödəməlidir. Bu məsələni Soçidə Putinlə müzakirə etdik. Onun «20-liyə» və mənim isə «8-liyə» sədrliyim zamanı məhsuldar işləməyimizi istəyirəm. Vergidə şəffaflıq və ticarətlə bağlı məsələlərin müzakirəsində mən çox yaxşı cavab aldım»-deyə, ingilis nazir söyləyib.