Braziliyalı model   Ukraynadakı müharibədə öldü: İŞİD-ə qarşı da döyüşmüşdü
06 iyul 2022 12:56 (UTC +04:00)

Braziliyalı model Ukraynadakı müharibədə öldü: İŞİD-ə qarşı da döyüşmüşdü

Braziliyalı model Talita Do Valle Ukraynadakı müharibədə həlak olub. 

Lent.az-ın xarici mediaya istinadla xəbərinə görə, o, dünyanın müxtəlif yerlərində humanitar missiyalarda iştirak edib və İraqda İŞİD-ə qarşı döyüşüb.

Bildirilir ki, Xarkovda raket hücumu nəticəsində Braziliyadan olan iki könüllü həlak olub. Onların arasında 39 yaşlı model Talita Do Valle də var. O, Rusiya qoşunlarına qarşı döyüşə qoşulduqdan cəmi üç həftə sonra, iyunun 30-da Rusiyanın Xarkova zərbəsi zamanı ölüb. Braziliya mətbuatının yazdığına görə, Do Valle Ukrayna ordusunu təmin edən strukturlarda işləyib.

“Daily Mail”in məlumatına görə, Talita Do Valle dünyanın müxtəlif yerlərində humanitar missiyalarda iştirak edib və İraqda İŞİD-ə qarşı döyüşüb. Hərbi karyerasına qədər o, hüquq təhsili alıb, model və aktrisa kimi çalışıb, qeyri-hökumət təşkilatlarında heyvanların xilas edilməsi ilə məşğul olub.

Qadın həm də hücuma keçən Rusiya qoşunlarından qorunmaq üçün məsuliyyət daşıyırdı. Mərhumun qardaşı bildirib ki, o, cəmi üç həftə Ukraynada olub və təkcə xilasedici yox, həm də atıcı kimi fəaliyyət göstərib. Digər döyüşçülər onun əvvəlki raket hücumundan sonra sağ qalan yeganə adam olduğunu deyirlər.

Müharibədə ölən ikinci Braziliya vətəndaşı keçmiş hərbçi Duqlas Buriqodur. “Folha de Sao Paulo” qəzetinin məlumatına görə, Duqlas Do Valleni xilas etməyə çalışanda ölüb.

“O Globo”nun məlumatına görə, Valle və Buriqot zərbə zamanı bunkerdə gizləniblər. Lakin içəridə yanğın başlayıb və qadın tüstüdən boğulub. Buriqo onu xilas etməyə çalışıb və ölüb.

KİV-in məlumatına görə, ümumilikdə üç braziliyalı Ukraynada ölüb. Üçüncü, iyunun əvvəlində vəfat edən Andre Hak Bahi idi. Döyüşlərdə iştirak edirdi.

# 1614
avatar

Oxşar yazılar