İngiltərə ən son model hərbi gəminin fotolarını yaydı - FOTO

Bu barədə Lent.az İngiltərə Müdafiə Nazirliyinin saytına istinadən məlumat verib.

Son nəsil döyüş gəmisi sayılan “Type-26” savaş gəmiləri sənayesinin ən son nailiyyətlərini özündə birləşdirir. 2020-ci ildən sonra silahlanmaya qəbul ediləcəyi gözlənilən bu gəmi Kral Dəniz Qüvvələri tərəfindən çox təyinatlı, o cümlədən döyüş və piratçılıqla mübarizə, habelə fəlakət bölgələrində humanitar əməliyyatlarda istifadə olunacaq.

Nazirliyin məlumatında qeyd olunub ki, 2010-cu ildən başlayaraq gəminin əsas imkanları və ilkin dizaynın müəyyənləşdirilməsi üçün “BAE Systems” şirkəti ilə birgə işlər aparılır. Çəkisi 5400 tondan artıq, uzunluğu 148 metr təşkil edəcək “Type-26” Kral Dəniz Qüvvələrinin ən müasir gəmisi olacaq. Gəminin üzərində bir ədəd “Merlin” və ya WILDCAT helikopteri üçün anqar, pilotsuz uçuş aparatları, xilasetmə qayıqları və sualtı üzmə vasitələri üçün əlavə yerlər olacaq.

Sürəti 64 km/saat təşkil edəcək gəmi birbaşa 14 485 km məsafəni qət edə biləcək. Gəminin silahlanmasına hər biri 4 ədəd olmaqla 2 paket “Harpoon” raketi, 1 ədəd Sea Wolf GWS.26 VLS, 24 ədəd torpedo, həmçinin 114 mm-lik zenit topu daxil olacaq.

Rəşad