Tarixdə ən uzun öpüş nə qədər çəkib? - İnanılmaz görünür

Dünya, öpüşlərlə bağlı onlarla qeyri-adi rekordlara şahid olub. Məsələn, Bett və Maykl adlı aşiq cütlük Müqəddəs Valentin Günü münasibətilə su altında öpüş rekordu qırmağı qərar verib.

Lent.az-ın xarici mediaya istinadla məlumatına görə, onlar 4 dəqiqə 6 saniyə boyunca nəfəs almadan öpüşməyi davam etdirə biliblər.

Qeyd etmək maraqlıdır ki, cütlük bu cəhdə iki həftəlik məşqlə hazırlaşıb: rekord günü səhər tezdən məşqlərə başlayıblar, bir neçə dəfə 2–3 dəqiqəlik sınaq keçiriblər və yalnız bundan sonra final cəhdinə keçiblər.

Ən uzun öpüş rekordu kimə məxsusdur?

Ən uzunmüddətli öpüş rekordu Tailandlı bir cütlüyə – Ekkaçay və Laksana Tiranarata məxsusdur. Onlar iki dəfə Ginnesin Rekordlar Kitabına düşüblər.

İlk nəticələri: 46 saat 24 dəqiqə

İkinci rekordları: 58 saat 35 dəqiqə

Qaydalar çox ciddi idi

İştirakçılara oturmaq, yatmaq və ya bir yerə söykənmək qadağan idi. Hətta tualetə getmək belə ayrılmadan və birlikdə həyata keçirilməli idi. Hər şey təşkilatçılar tərəfindən müşahidə altında aparılırdı

Yeganə güzəşt: içkiyə icazə verilirdi, lakin borucuqla və dodaqlar təmasdan ayrılmadan

Sağlamlıq riski:

Ekspertlər bildirirlər ki, belə ekstremal cəhdlər sağlamlıq üçün ciddi təhlükələr daşıyır – əzələ spazmlarından tutmuş sinir sisteminin pozulmasına qədər. Bu səbəbdən, “kəsilmədən öpüş” kateqoriyası ləğv edilib. Onun yerinə “öpüş marafonu” anlayışı gətirilib – hər saatda 5 dəqiqəlik fasilə ilə istirahət və qidalanma icazə verilir.

Bu nə qədər məntiqlidir?

Ən uzun öpüş və ya 94 saatlıq serial izləmə rekordu kimi nailiyyətlərin praktik faydası mübahisəlidir. Lakin yenə də insan yaradıcılığı təəccübləndirməyə davam edir: son illərdə Ginnesin Rekordlar Kitabına məntiqə, fiziki qanunlara və hətta sağ qalma instinktinə zidd olan yüzlərlə qəribə rekord daxil edilib.