Şimali Koreya rəhbərliyi başlıca müttəfiqi Çinə bu il bir və ya daha artıq nüvə silahını sınaqdan keçirəcəyi haqda məlumat verib.
Lent.az-ın «Röyter»-ə istinadən məlumatına görə, sınağı nəzərdə tutulan nüvə başlığının sonucudan daha güclü olacağı bildirilib.
Mənbənin bildirdiyinə əsasən, Şimali Koreya hökuməti 4-cü və 5-ci nüvə silahının da sınağa hazır olduğunu bəyan edib. Rəsmi Pxenyan bildirib ki, əgər Vaşinqton onlara qarşı sərt siyasətini dayandırmazsa, Şimali Koreya rəhbərliyinin şərtləri daxilində diplotmatik danışıqlara başlamazsa, o zaman sınaqlar davam etdiriləcək.
Qeyd edək ki, Şimali Koreya bu həftə ərzində üçüncü nüvə silahını sınaqdan keçirib. Bu ölkəyə qarşı 2006 və 2009-cu illərdə BMT Təhlükəsizlik Şurası sanksiya tətbiq edib. Qurum rəsmi Pxeyandan nüvə sahəsində fəaliyyətini dayandırmağı və nüvəsiz Koreya yarımadası üçün danışıqlar masasına qayıtmağı tələb edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
