Gədəbəy rayonuna güclü qar yağıb.
Lent.az-ın APA-ya istinadla məlumatına görə, günortadan yağmağa başlayan qar axşama doğru daha da intensivləşib.
Qar örtüyünün qalınlığı rayon mərkəzində 5-10, ucqar kəndlərdə isə 15-20 santimetrə çatır. Qarlı hava şəraiti rayonun mərkəzi, o cümlədən dağ yollarında avtomobillərin hərəkətində çətinlik yaradıb.
Bir neçə avtomobil yolda qalıb. Əraziyə yol polisi əməkdaşları cəlb olunub. Hazırda müvafiq qurumlar nəqliyyat vasitələrinin hərəkətinin bərpası üçün tədbirlər görür.