Meyxanaçı Ələkbər Yasamallı aylar sonra qohumunu qətlə yetirməkdə ittiham olunan sənət yoldaşı Rəşad Dağlı haqqında danışıb.
Lent.az xəbər verir ki, o, "TikTok" hesabında açdığı canlı yayımda Rəşad barəsində danışıb.
O deyib ki, meyxanaçıya deyəcək sözü yoxdur:
"Rəşad da bizim evdə böyüyən uşaqdır. Onun barəsində heç nə danışmıram. Onun mənə verəcək cavabı yoxdur. Çünki o, dörd divar arasındadır, qolu bağlıdır. Nə vaxtsa görüşəcəyik, üz-üzə gələcəyik. Yəqin onun mənə, ya da mənim ona deyəcək sözüm olacaq. Düşmənçilik ediriksə, kişi kimi düşmənçilik edək. Bir insanın mənə cavab vermək imkanı yoxdursa, nə gəldi döşəyim? Bu, bizə yaraşmaz. Yaxşı olar, İnşallah".
Xatırladaq ki, Rəşad Dağlı noyabrın 9-u saat 5 radələrində Qaradağ rayonu ərazisində qonşusu, 1979-cu il təvəllüdlü İskəndər Mehtiyevi qətlə yetirməkdə təqsirləndirilir. Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Rəşad Dağlı barəsində 4 ay müddətinə həbs qətimkan tədbiri seçilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
