Azərbaycanda 23 yaşlı oğlan xəyanətə görə özünü öldürdü - VİDEO  - YENİLƏNİB
19 sentyabr 2022 12:11 (UTC +04:00)

Azərbaycanda 23 yaşlı oğlan xəyanətə görə özünü öldürdü - VİDEO - YENİLƏNİB

Masazırda xəyanətə görə yük qaldırıcı krana çıxan şəxsin intihar etdiyi məlum olub.

Lent.az özünü öldürən şəxsin kimliyini öyrənib. 

Belə ki, sentyabrın 17-si saat 14 radələrində Masazır qəsəbəsi ərazisində Goranboy rayon sakini, 23 yaşlı Mikayıl Mehman oğlu Yusifov yeni tikilən binanın yük qaldırıcı kranına çıxaraq özünü atıb.

Nəticədə o, aldığı xəsarətlərdən hadisə yerində ölüb.

***
17 sentyabr, saat: 10:25

Masazırda intihara cəhdin səbəbi məlum olub.

Lent.az xəbər verir ki, bu barədə sosial şəbəkədə paylaşım edilib. Bildirilib ki, intihara cəhd edən gənc oğlanın sevgilisi ona xəyanət edib. O da bu səbəblə krana çıxaraq özünü öldürmək istəyib.

Hazırda onun fikrindən daşınması üçün tədbirlər görülür.

***
Saat: 09:40

Abşeron rayonunda intihara cəhd hadisəsi qeydə alınıb.

Lent.az-ın məlumatına görə, hadisə rayonun Masazır qəsəbəsində baş verib. Ad və soyadı hələlik bilinməyən kişi qəsəbə ərazisindəki tikinti şirkətlərinin birinə gəlib. O, burada krana çıxaraq özünü atmağa çalışır.

Hazırda hadisə yerinə polis əməkdaşları cəlb olunub. Onun xilas edilməsi üçün tədbirlər görülür.

Hadisənin görüntülərini təqdim edirik:

Masazırda kişi özünü krandan atmaq istədi

# 17139
avatar

Aytəkin Cəlali

Oxşar yazılar