Yeni zelandiyalılara övladlarına “Kral”, “Müqəddəs” və “Məsih” adlarını qoymaq qadağan edilib.
Lent.az xarici KİV-ə istinadən xəbər verir ki, Yeni Zelandiyanın Daxili İşlər Nazirliyi 2022-ci ildə səlahiyyətlilər tərəfindən rədd edilən körpə adlarının siyahısını açıqlayıb.
Bu siyahıya “Kral” , “Müqəddəs” və “Məsih” adları daxildir. Yeni Zelandiyanın Doğum, ölüm və evlilik qeydiyyatının rəisi Jeff Montgomery, bir tvitində adların "sahibini incitməməsini, ağlabatan uzunluqda olmasını və rəsmi titul və ya rütbəni təmsil etməməsini" təmin etmək üçün qaydalar olduğunu söyləyib.
Açıqlanan siyahıya əsasən, 2022-ci ildə ən çox rədd edilən ad “Kral” olub – valideynlər körpələrinə doqquz dəfə bu adı qoymağa cəhd ediblər. 2009-cu ildən bəri bu adın Yeni Zelandiyada uşaqlara verilməsinə çox vaxt icazə verilmir. 2022-ci ildə rədd edilən digər adlar "Müqəddəs" (8 dəfə), "Monarx" (7 dəfə), "Məsih" (4 dəfə), "Şah" və "Şahzadə" (hər biri 7 dəfə) olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
