Uşaq isterikaları – səbir testi: necə reaksiya verməli və sakitliyi qorumaq olar

Uşaq isterikası - yəni qışqırıq, ağlama, emosional partlayışlar - məktəbəqədər yaş dövrünün təbii, lakin çətin mərhələsidir. Bu davranış, beynin emosiyalara nəzarət edən hissəsinin – prefrontal qabığın hələ tam formalaşmaması ilə əlaqədardır.

Lent.az xarici mediaya istinadla bildirir ki, uşaq emosiyalarını idarə etməyi hələ bacarmır, çünki fizioloji olaraq məntiqli düşünmək və arqumentləri qəbul etmək qabiliyyətində deyil.

Valideyn üçün əsas vəzifə: sakit qalmaq

Uşaq isterikasında ən vacib və eyni zamanda ən çətin iş - öz emosiyalarınıza nəzarət etməkdir. Əgər siz də əsəbiləşsəniz, uşağın reaksiyası daha da güclənəcək.

Addım 1: Təhlükəsizliyi təmin edin

Əgər isterika təhlükəli bir yerdə baş verirsə (küçədə, kəskin əşyaların yanında və s.):

Kəskin və təhlükəli əşyaları uzaqlaşdırın

Uşağı zərif şəkildə təhlükəsiz yerə aparın

Addım 2: Hisslərin pik nöqtəsində danışmayın

Uşaq qışqırırsa və sizi eşitmir, bu an:

Sözlər və məntiqli izahlar heç bir təsir etmir

Minimum danışın, sadəcə sakitcə yaxınlığınızı göstərin

Əgər uşaq icazə verirsə, yanında qalın, bədən dili ilə təhlükəsiz və dəstəkverici bir varlıq olduğunuzu hiss etdirin

Addım 3: İsterikadan sonra əlaqə qurun

Uşaq sakitləşməyə başlayanda (məsələn, sızıldamağa keçəndə):

Sözlərlə onun hisslərini adlandırın:

“Çox-çox əsəbləşdin, çünki"...

“Sənə çox pis təsir etdi, çünki"...

Bu, uşağa emosiyalarını anlamağı və ifadə etməyi öyrədir

Addım 4: Davranışın müzakirəsi — sakitlik dönəmində

Uşaq tam sakitləşdikdən sonra:

Hadisəni sakit və başa düşülən dildə müzakirə edin

Onunla emosiyalarını necə ifadə edə biləcəyi barədə danışın

Sərhədləri izah edin: nəyin qəbulolunan, nəyin isə yolverilməz olduğunu anlatmaq vacibdir

Nizamlı və sabit reaksiya - açar rolunda

Valideynin ardıcıl olaraq:

Sakit qalması

Həddi göstərməsi

Emosiyaları izah etməyə kömək etməsi

Uşağa özünü tənzimləməyi öyrədir. Daimi və aydın sərhədlər, uşağın dünyanı təhlükəsiz və anlaşılan bir yer kimi qavramasına kömək edir.

Valideyn üçün vacib məqam: öz resurslarınıza da qayğı göstərin

Daim gərgin olmaq, əsəb və səbirsizlik ehtimalını artırır

Valideynin psixoloji ehtiyatı və dincəlməsi vacibdir

Tək qalmağa, dincəlməyə və nəfəs almağa zaman ayırın — bu, həm sizə, həm uşağınıza fayda verəcək

İsterika - inkişafın normal mərhələsidir. Əsas olan, uşağa təhlükəsiz və anlayışlı valideyn varlığını hiss etdirmək, sərhədləri sakit və ardıcıl şəkildə izah etmək və emosional tənzimləməyə yol göstərməkdir. Bu zaman uşaq həm özünü, həm də ətrafdakıları düzgün başa düşməyi öyrənəcək.