"TikTok"dan daha bir YENİLİK

Gənclər arasında çox məşhur olan TikTok sosial şəbəkəsi istifadəçilər tərəfindən yüklənən vieoların xronometrajlarını daha da uzatmaq üzərində çalışır.

Lent.az "technote"a istinadən xəbər verir ki, TikTok hələ keçən il bu cür addımı atmışdı.

Hazırda TikTok istifadəçiləri 3 dəqiqəlik videoları yükləyə bilirlər. Bu limit keçən ilin dekabr ayında təyin edilmişdi. İndi isə sosial şəbəkə bu limiti 5 dəqiqəyə yüksəltmək üzərində çalışır.

5 dəqiqəlik videoların sosial şəbəkəyə yüklənməsi özəlliyi yalnız məhdud sayda istifadəçi arasında test edilir.

Təqdim edilmiş fotodan da görmək olar ki, yeni özəllik tədricən hər bir istifadəçi üçün təqdim ediləcək. 5 dəqiqəlik videoları testdən keçirtmək istəyən istifadəçilər bu barədə TikTok-dan bildiriş əldə edəcəklər.

Maraqlısı ondadır ki, bəzi istifadəçilər hətta 10 dəqiqəlik xronometraja sahib videoları da sosial şəbəkəyə yükləyə biliblər. Görünür, şirkət ideal limit göstəricisi üzərində təcrübələr aparır.