Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosu sabaha gözlənilən hava proqnozunu açıqlayıb. Büronun direktor müavini Gülşad Məmmədovanın Lent.az-a verdiyi məlumata görə, oktyabrın 24-də Bakı və Abşeron yarımadasında hava buludlu olacaq, arabir yağış yağacağı gözlənilir.
Güclü şimal-qərb küləyi əsəcək. Havanın temperaturu 8-13 dərəcə isti olacaq.
Azərbaycanın rayonlarında isə oktyabrın 24-də arabir yağış yağacağı gözlənilir. Dağlıq ərazilərdə yağıntının sulu qara və qara keçəcəyi ehtimal olunur. Arabir güclənən qərb küləyi əsəcək. Havanın temperaturu gecə 7-12, gündüz 14-19 dərəcə, dağlarda gecə 2 dərəcə şaxtadan 3 dərəcəyə qədər isti, gündüz 3-8 dərəcə isti olacaq.
Qeyd edək ki, oktyabrın 24-də ölkə ərazisində hava şəraitinin qısa müddətə qeyri-sabit keçəcəyi, temperaturun ötən günlə müqayisədə 5-10 dərəcə aşağı enəcəyi, şimal küləyinin güclənəcəyi, yağıntılı olacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
