Moskva merinin tikinti məsələləri üzrə müavini Marat Xusnullin paytaxtda fəaliyyət göstərən tikinti şirkətlərindən qeyri-leqal miqrantların əməyindən imtina etməyi tələb edib. APA TV xəbər verir ki, Marat Xusnullin Moskvada qeyri-leqal miqrantlarla fəal mübarizə aparıldığını bildirib: “Mən bütün tikinti şirkətlərini, bizim tərəfdaşları xəbərdar edirəm – siz özünüz təhlil edin. Sizdə belə hallar varsa, yaxşı olar ki, özünüz onları aradan qaldırasınız, əks halda, belə hallar aşkarlandıqda cəzalandırılacaqsınız”.
Marat Xusnullin "büdcə hesabına həyata keçirilən tikinti işlərində qeyri-leqal miqrantlar olmamalıdır" - deyə, xəbərdarlıq edib.
Moskvada oktyabrın 10-da 25 yaşlı Yeqor Şerbakov Azərbaycan vətəndaşı Orxan Zeynalov tərəfindən öldürülməsi xəbəri yayıldıqdan sonra Rusiyada miqrantlara qarşı etirazlar keçirilib. Hadisədən bir neçə gün sonra isə bir Özbəkistan və bir Azərbaycan vətəndaşı öldürülüb. Hazırda Orxan Zeynalov həbs edilib, istintaq aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
