Qəbələdə Gənclər Fondunun maliyyə dəstəyi ilə "Sənin START”ın layihəsi başlanıb. Lent.az-ın məlumatına görə, layihə çərçivəsində xüsusi işlənib hazırlanan mexanizm vasitəsilə seçilən şagirdlərə şəxsiyyətin inkişafına əsaslanan müxtəlif mövzulu təlimlər keçirilib.
Layihənin ilk günündə Qəbələ otelində professional təlimçi tərəfindən "Komputer Bilikləri" təlimi keçirilib. Təlimdə gənclərə elektron hesablama maşınlarının tarixçəsi, müxtəlif işlək proqramların izahı verilib. Daha sonra iştirakçılara tapşırıqlar verilən və tapşırığı yerinə yetirən şagirdlərə təlimçi tərəfindən istiqamət verilib.
Layihənin növbəti günündə iştirakçılara "Motivasiya" təlimi tədris olunub və onların potensial inkişaf istiqamətlərinə maraqlarının artırılması üçün təlimçi tərəfindən məsləhətlər verilib.
Layihə rəhbəri Orxan Sədizadə qeyd edib ki, "regionlarda bu tip layihələrin məktəb şagirləri arasında keçirilməsi xüsusi önəmlidir, layihə pilot layihə olub, uğur qazandığı təqdirdə davamlılığı təmin ediləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
